Bayaan wadajir ah oo ka soo baxay Xafiiska Afhayeenka Ciidanka Difaaca Israa’iil (IDF) iyo Shin Bet: Ciidamada ammaanku waxay gacanta ku dhigeen madaxa ammaanka gudaha ee ururka argagixisada Xamaas ee Marinka Gasa.
Ciidanka Difaaca Israa‘iil (IDF) iyo Shin Bet, iyagoo hoos imaanaya taliska iyo hoggaanka Shin Bet iyo Taliska Koonfureed, ayaa fuliyay hawlgal bartilmaameed ah oo ka dhacay maanta oo Talaado ah si loo ciribtiro hanjabaadaha ka yimid ururka argagixisada Xamaas ee waqooyiga Marinka Gasa.
Qayb ka mid ah hawlgalkaas, ciidamada gaarka ah ee Shin Bet ayaa weeraray dhismo ku yaal magaalada Gasa, waxayna gacanta ku dhigeen madaxa ammaanka gudaha ee ururka argagixisada Xamaas ee guud ahaan Marinka Gasa.
Intii lagu guda jiray hawlgalkaas, Ciidanka Cirka ayaa fuliyay weeraro bartilmaameed ah oo ka dhan ah dhowr goobood oo milateri oo ku yaal aagga si loo ciribtiro hanjabaadaha soo foodsaarayay ciidamada. Ma jirin wax khasaare ah oo soo gaaray ciidamadeenna.
Argagixisada la qabtay ayaa dhawaanahan ka shaqaynayay sidii loo adkeyn lahaa maamulka ururka argagixisada Xamaas ee waqooyiga Marinka Gasa iyo sidii loo horumarin lahaa qorshayaal argagixiso oo ka dhan ah ciidamada Difaaca Israa‘iil ee ka hawlgala aagga “Xariiqda Cagaaran”.
Argagixisada waxaa loo gudbiyay baaritaan dheeraad ah oo ay sameeyaan ciidamada ammaanka ee gudaha Dalka Israa’iil.
Hawlgalku waxa uu ku talo jiray in la ciribtiro hanjabaadaha, la wiiqo maamulka Xamaas ee aagga, iyo qorshayaasheeda horumarinta hawlgallada argagixiso ee ka dhanka ah ciidamada Difaaca Israa’iil iyo muwaadiniinta Dalka Israa’iil. Ciidamada ammaanka ee Taliska Koonfureed ayaa lagu soo daad-gureeyay aagga sida ku cad heshiiska, waxaana ay sii wadi doonaan inay ka hawlgalaan si ay u ciribtiiraan hanjabaad kasta.