Bayaan ka soo baxay Xafiiska Ra’iisul Wasaaraha Israa’iil, Binyamiin Netanyaahu:
Ra’iisul Wasaaraha ayaa maanta ku dhawaaqay aqoonsiga rasmiga ah ee Jamhuuriyadda Somaliland oo ah dawlad madax-bannaan oo qaran.
Ra’iisul Wasaare Netanyaahu, Wasiirka Arrimaha Dibadda Sa’ar, iyo Madaxweynaha Jamhuuriyadda Somaliland ayaa saxiixay bayaan wadajir ah oo iskaashi ah.
Bayaankan ayaa ku yimid ruuxdii Heshiisyada Abraham, oo la saxiixay hindisihii Madaxweyne Trump.
Ra’iisul Wasaare Netanyaahu waxa uu hambalyo u diray Madaxweynaha Somaliland, Dr. Cabdiraxmaan Maxamed Cabdillaahi, waxana uu amaanay hoggaamintiisa iyo dadaalkiisa ku aaddan horumarinta xasilloonida iyo nabad-gelyada. Ra’iisul Wasaaraha waxa uu ku martiqaaday Madaxweynaha inuu booqasho rasmi ah ku yimaado Israa’iil.
Madaxweynaha ayaa uga mahad celiyay Ra’iisul Wasaare Netanyaahu bayaan-kiisii taariikhiga ahaa, waxana uu muujiyay qaddarinta uu u qabo guulaha Ra’iisul Wasaaraha ee la dagaalanka argagixisada iyo horumarinta nabadda gobolka.
Ra’iisul Wasaaraha waxa uu uga mahad celinayaa Wasiirka Arrimaha Dibadda Sa’ar, Madaxa Mosaad David Barnea iyo Mosaad, kaalintooda horumarka maanta dhacay, waxana uu u rajeeyay dadka Somaliland guul, barwaaqo, iyo xorriyad.
Dawladda Israa’iil waxa ay qorsheynaysaa inay isla markiiba ballaariso xiriirka ay la leedahay Jamhuuriyadda Somaliland iyada oo sii hurumarinaysa iskaashi ballaaran oo dhinacyada beeraha, caafimaadka, tiknoolajiyada, iyo dhaqaalaha ah.